Oktavuođa váldin dásseárvoáššeolbmui
Dásseárvoáššeolbmos oaččut rávvagiid ja neavvagiid, juos eahpidat iežat gártan vealahuvvot. Juos dárbbašat juridihkalaš rávvema áššistat ja sávat jođánis vástádusa, de váldde oktavuođa juridihkalaš rávvema nummirii:
Juridihkalaš rávven: 0295 666 842 (vu-dis 9-11 ja ga-du 13-15)
Rávvennummiris oaččut rávvagiid das, mo doaibmat áššistat. Juos min áššedovdi árvvoštallá, ahte čálalaš čilgenmeannudeapmi vealahusa čielggadeami várás lea dárbbašlaš, de oaččut neavvagiid, mo čálalaš oktavuođaváldima dásseárvoáššeolbmui gánneha válmmaštallat. Mii ávžžuhat, ahte válddát oktavuođa rávvennummirii ovdal čálalaš oktavuođaváldima. Dásseárvoáššeolbmo rávven lea nuvttá ja luohttámušlaš.
Dárkkis maiddái, gávdnošiigo du áššái vástádus oasis Dávjá jerrojuvvon.
Áššiiddikšungiella
Áššiid virggálaš gieđahallangielat leat suoma- ja ruoŧagiella. Sámi giellalága mielde (2 §, 4 §) sápmelaččain lea vuoigatvuohta iežas áššis dahje áššis, mas su gullet, geavahit sámegiela áššiides divššodettiin dásseárvoáššeolbmuin. Juos háliidat dikšut áššiid sámegillii, de válddáthan čálalaččat oktavuođa, vai mii sáhttit lágidit dulkoma.
Ruošša: Dásseárvoolmmoš gieđahallá suoma-, ruoŧa-, sáme- ja eŋgelasgielat oktavuođaváldimiid. Eará gielaid dego ruoššagiela bokte dulkon- ja jorgalanbálvalus ordnejuvvo dáhpáhusaid bokte guorahallama vuođul.
Čálalaš oktavuođaváldin
Deavdimiin elektronalaš oktavuođaváldinskovi sáhtát bivdit dásseárvoáššeolbmo dutkat iežat ášši. Sáhtát maiddái sáddet šleađgapoastta čujuhussii [email protected].
Dásseárvoáššeolmmoš árvvoštallá, leago čielggadanmeannudeapmi dárbbašlaš. Čielggadanmeannudeapmi álggahuvvo dábálaččat, juos čálalaš oktavuođaváldima vuođul lea sivva eahpidit, ahte áššis lea doibmejuvvon dásseárvolága vuostá.
Čálalaš oktavuođaváldima gieđahallamis čuvvojuvvo láhka virgeoapmahačča almmolašvuođas (21.5.1999/621). Ovdamearkka dihte dásseárvoáššeolbmo cealkámuša bivdán olbmo dearvvasvuođadillái dahje sosiálaovdduide guoskevaš dieđut leat álo lága mielde suollemassan doalahahtti áššit.
Vealahusa eahpideaddji namma boahtá dan dihtui, geasa guoddalus čuohcá, go dán gullet čielggadeami oktavuođas. Ovdal ášši čoavdima áššegirjjiid almmolašvuohta árvvoštallo guđege dáhpáhusas sierra.
Dásseárvoáššeolmmoš vástida visot oktavuođaváldimiidda. Áššiid dikšun lea nuvttá. Čielggadanmeannudeamis dásseárvoáššeolbmo cealkámuša sáhttá fidnet 6-12 mánotbaji siste.
Molssa: 0295 666 830
Dásseárvoáššeolbmo čálli: 0295 666 839
Girjáimerken: tel. 0295 666 840
Gulahallan: 0295 666 837
Rávvejeaddji bargosajiid dásseárvoplánemis ja mearreeriin: 0295 666 838
Rávvejeaddji skuvllaid ja oahppalágádusaid dásseárvoplánemis: 0295 666 834
Dásseárvoáššeolmmoš (Tasa-arvovaltuutettu)
PL 22
00023 Stáhtaráđđi (Valtioneuvosto)
[email protected]
šleađgapoasta olbmuide: [email protected]
