Vealahus

Mihtilmas vealahandilit, main sáhtát váldit oktavuođa dásseárvoáššeolbmui ja bivdit ráđi:

Vealahus sohkabeali, sohkabealleidentitehta dahje sohkabeali albmabuktima vuođul bargoeallimis:

  • vealahus bargiid válljemis
  • vealahus bálkádásis ja bálvalusgaskavuođa eará eavttuin
  • vealahus áhpehisvuođa ja bearašluomuid vuođul, ovdamearkka dihte mearreáigásaš bargogaskavuođa ođasmahttima dagakeahttá guođđin áhpehisvuođa dihte dahje soahpamuša ráddjen bearášluomu álgui
  • vealahus barggu jođiheamis, bargguid juohkimis dahje bargodiliid lágideamis
  • vealahus luovuscealkimiin, bálvalusgaskavuođa heaittihemiin ja luopmudemiin
  • seksuála muosehuhttin

Vealahus eará sajis servvodagas:

  • vealahus oahppalágádusain ja oahppiválljemiin
  • vealahus ovdoorganisašuvnnain
  • vealahus haddemeroštallamis ja bálvalusaid oažžumis

Eahpidatgo vealahusa?

Dásseárvoáššeolbmos oaččut rávvagiid ja neavvagiid, juos eahpidat, ahte leat šaddan vealahuvvot. Dásseárvoáššeolbmo rávvagat leat nuvttá.

Bargoeallima vealahandiliin:

  • Juos gulat ámmátlihttui, de váldde oktavuođa luohttámušolbmui ja čielggat vuoigatvuođaidat. Ámmátlihtuid lahttomáksu sisdoallá vuoigatvuođa juridihkalaš rávvemii.
  • Sáhtát váldit oktavuođa maiddái almmolaš riekteveahkkái, láhkaáššiiddoaimmahahkii dahje ášševuoddjái. Láhkabálvalusat leat dábálaččat mávssuvuložat. Dárkkis, leago dus dakkár riektedorvodáhkádus, mii gokčá diggegoluid.

Ruđaheapmin sáhtát leat vuoigadahtton almmolaš riekteveahkeaheaddji mávssuhis dahje muhtin muddui mávssuvuloš riekteveahkkái.